Гүзәлия: “Кеше алдында нинди чишенү инде ул?”

Танылган җырчы, продюсер Гүзәлия шәхси сәхифәсендә йөзә белмәве һәм, гомумән, кеше алдында чишенергә оялуы турында әйтте.  

– Мин йөзә белмим, ничектер шулай булды. Үскәндә су тирәсендә дә бик йөрмәдек. Тәрбия шундыйрак иде, өйдә эш булганда, җиткән кыз су коенып йөрми инде ул, диләр иде. Аннан соң, суга кергән очракта да күлмәк белән генә керәсе иде. Нинди чишенү инде ул кеше алдында? Бездә шулайрак иде. Сезнең арада минем кебекләр бармы? – дип мөрәҗәгать иткән җырчы язылучыларына.