Гөлназ Сәфәрова... хоккей дөньясы йолдызы булмагае!

Хоккей җанатарлары өчен бер яңалык: популяр алып баручы Гөлназ Сәфәрова "Ак барс Шоу"ны алып барачак!

Хәтерләсәгез, аның беренче алып баручысы Зөһрә Уразбахтина иде. Аны Камилә Харисова алыштырды. Кызлар икесе дә Мәскәүдә хәзер. Ә Камиләне илебезнең төп һәм бердәнбер спорт каналының генераль продюсеры Тина Канделаки махсус чакырган.
Ә без, үз чиратында, Гөлназ өчен сөенәбез. Татарстанның атказанган артисты, профессиональ радио ди-джее, телевидение йолдызы, төрле чараларны, концертларны алып баручы Гөлназ Сәфәрова хоккей клубының күңел ачу программасы йөзе булачак.