Азат Абитов белән Гөлсирин Абдуллина өйләнешәләр!

Бүген кич, әле берничә сәгать кенә элек Вагаповфест йолдызларының Казанда узган өстәмә концертындаАзат Гөлсирингә тәкъдим ясады. 

– Гульсик, кил әле монда... Син беләсең мин сине ничек яратам... Шул ук вакытта син беләсең – минем матур сүзләргә сәләтем юк. Әмма минем әйтергә теләгән сүзләр, уйлар, хисләр без бүген икәү җырлаган «Аккошлы күл» җырында булды, – дип Азат сәхнәдә Гөлсирин алдында тезләнде, кулын сорады. 

– Риза! – дип җавап бирде аңа Гөлсирин.

Вагаповфестның инстаграмдагы битенә бу минутларда аларга котлаулар ява:

– Күптән көттек без бу мизгелне! Котлыйбыз!

– Мин дә концертта бар идем. Мин бик шат! Котлыйм!

– Искиткеч шатлыклы хәбәр! Ниһаять,татар сәнгате өчен иң якты, моңлы гаилә барлыкка киләчәк! Үзем өчен кебек шатмын. Чын күңелемнән. Ура!!!

– Күңел тулды. Бәхетле булыгыз!

– Бәхетле булыгыз матурлар!

– Афәрин! Бәхетле булыгыз!

– Ооооо! Котлыйм!

– Урааа! Ниһаять!