Үзмәшгульләр интернет-кибеттә бизнес ача алачак 

Интернет-кибет 2020 елга 3 мең үзмәшгульне җәлеп итәргә планлаштыра.  

Wildberries онлайн – ритейлер  үзмәшгульләрне хезмәттәшлеккә чакыра.  Интернет-кибет мәйданында  өс киемнәре, аяк киемнәре тегүчеләр, аксессуар һәм сувенир җитештерүчеләр   бизнесларын ача ала. Тәгаенләп әйтсәк, порталда үз продуктларын сата алачак.  2020 елга интернет-кибет 3 мең үзмәшгульне җәлеп итмәкче.  Әлеге мәсьәләгә кагылышлы барлык сораулар  электрон рәвештә махсус порталда хәл ителәчәк. Хәзер Wildberries 15 мең поставщик белән хезмәттәшлек итә, аларның 9 меңе – кече компания вәкилләре.  

Исегезгә төшерәбез: үзмәшгульләргә эшчәнлекләрен рәсмиләштерер өчен  телефоннарына махсус кушымта йөкләп, аның аша салым органнарына теркәлергә кирәк.