«Җәза» фильмы премьерасы тәкъдим ителә

1 декабрь көнне сәгать 19.00 дә, Казанның «Мир» кинотеатрында Фәнис Камал төшергән «Җәза» фильмының премьерасы була.

Заһид Мәхмүдинең «Әче балан» әсәре буенча төшерелгән кинотасма татар телендә русча субтитрлар белән тамашачыларга тәкъдим ителәчәк. Экраннардан К. Тинчурин исемендәге Татар дәүләт драма һәм комедия театры, Г. Кариев исемендәге Казан Татар дәүләт яшь тамашачылар театры артистларын, язучы Фәнзамал Баттал (1939-2015) һәм язучы, журналист Заһид Мәхмүди, җырчы Булат Җиһаншин уйнавын тамаша кылырга мөмкин.

Премьерадан соң «Җәза»ны прокатка чыгарып, республиканың тагын 50 дән артык торак пунктында күрсәтергә ниятлиләр, дип хәбәр итә «Татаркино» оешмасы матбугат хезмәте.

Премьерага билет бәясе — 100 сум.

сылтама: http://tat.tatar-inform.ru/news/2015/11/30/116057/