Язучы Рабит Батулла үз тавышын бирде

Татарстанның җәмәгать эшлеклесе, язучы, драматург, публицист, сатирик Рабит Батулла сайлага барып, үз тавышын бирде.

- Әлеге сәяси вакыйга Татарстан өчен зур әһәмияткә ия. Татарстан - уникаль төбәк. Биредә республикадагы һәр милләтнең гореф-гадәтләрен, традицияләрен саклауның мөһим икәнлеген яхшы аңлап эш итәләр. Әгәр татарстанлылар үз республикаларын алга таба да камилләшә торган, алдынгы төбәк итеп күрергә телиләр икән, һичшиксез, сайлауларда катнашырга тиешләр, - диде Рабит Батулла.