Бүген «Татар информ» мәгълүмат агентлыгында Венера Якупованың «Путеводитель до Берлина. Удивительные истории о семейных реликвиях войны» китабын тәкъдим итү кичәсе узды. Маковский нәшрият йортында 3,5 мең данәдә басылып чыккан бу китапта тере кешеләрнең тере тарихлары бәян ителгән. «Балалар мондый китапларны укырга тиеш. Ул бик гади тел белән, барлык тарихлар да йөрәккә үтәрлек итеп язылган», – диде Татарстанның Дәүләт Советы рәисе урынбасары, республикабызның журналистлар берлеге башлыгы Римма Ратникова кичәне башлап җибәреп. Автор үзе исә әлеге басманың Берлинны алу өчен халкыбызның ниләр кичерүен күрсәтүче үзенә күрә бер юлъязма булуын әйтеп узды. «2015 елда, Бөек Җиңүнең 70 еллыгы уңаеннан без «Казанские ведомости» газетасында татарстанлыларга мөрәҗәгать итеп, гаиләләрендә сакланучы сугыш хатирәләре хакында язуларын үтенгән идек. Хатлар күп килде, без аларны газетабызда ел буе бастырдык. Шуларның иң яхшыларын туплап, китап итеп бастырып чыгару идеясе туды. Китапка 33 тарих кертелде», – диде ул.
Китапның мең данәсе ветераннарга бүләк ителсә, тагын мең данәсе китапханәләргә җибәреләчәк. Кызыксынсагыз, алып укый аласыз.
Следите за самым важным и интересным в Telegram-каналеТатмедиа
Комментарий юк