Татарстан Президенты бүләге Чечняга китте

30 август – Республика көнендә Казан ипподромында елның төп вакыйгасы – Татарстан Президенты бүләгенә ат чабышы үтте.
Татарстан Республикасы көне уңаеннан, һәр елдагыча башкала ипподромы бәйрәмчә гөрләп торды. Биредш ат чабышлары төштән соң башланды, бу вакытка күк йөзендәге яңгыр болытлары таралып, ниһаять, кояш та күренде. Казанда ат чабышларын олысы-кечесе үз итә, быел да трибуналар тулы иде, теләгән кешеләр атларга ставкалар куя алды. Билетлар буенча да лоторея уйнатылып, бәхетле кешеләр төрле кыйммәтле бүләкләр отты. Ипподром территориясендә корылган сәүдә рәтләрендә Татарстан районнары бәйрәм кунакларына чәй, тәм-томнар, кайнар шашлыклар тәкъдим итте. Шулай ук республиканың эре авыл хуҗалыгы предприятиеләре, азык-төлек җитештерүчеләр үз продукцияләреннән зур күргәзмә әзерләде. Сәхнәдә исә бәйрәм концерты туктап тормады.
Көн дәвамында ипподромда «Ак Барс Холдинг» ААҖ, «Татспиртпром» ААҖ, «Казан» ипподромы, «Татарстанның алтын дагасы», Татарстан Авыл хуҗалыгы һәм азык-төлек министрлыгы, Татарстанның Атчылык һәм ат спорты федерациясе, Казан мэрының һәм башка шундый бүләкләргә барлыгы ундүрт заезд һәм чабышлар оештырылды. Хәтта саф токымлы гарәп атлары арасында шәех Фатима Бинт Мөбәрәк бүләгенә дә аерым чабыш булды.
Шулай да «Казан» ипподромы өчен елның төп вакыйгасы – ул Татарстан Президенты бүләгенә үткәрелгән чабыш. Шуңа күрә дә Президент бу көнне үзе дә ипподромга килде. Рөстәм Миңнеханов Татарстанның авыл хуҗалыгы һәм азык-төлек министры Марат Әхмәтов белән республикада җитештерелүче авыл хуҗалыгы продукцияләре күргәзмәсен караганнан соң чабышларны тамаша кылырга трибунага үтте.
Президент бүләге өчен чабышның приз фонды 3 миллион сумны тәшкил итте. 2400 метр дистанциягә узган чабышта 3 яшьлек һәм аннан өлкәнрәк саф токымлы менге ун ат йөгерде. Татарстаннан - Казанның «Актай» ат-спорт клубы, «Тимерхан» хуҗалыгы, Фатыйх Сибагатуллин атлары, ә Россиянең башка төбәкләреннән - Чиләбе, Самара, Пермь якларыннан, Чечня Республикасыннан атлар катнашты. Әйтик, «Тимерхан» хуҗалыгының «Год Рим» кушаматлы 2010 елгы айгыры үз гомерендә бу бүләкне ике тапкыр отканы бар иде, ә Чечня башлыгы Рамзан Кадыровның 2011 елгы «Си Коуд» кушаматлы аты үткән ел Россия Президенты бүләген яулады.
Старт чаңы кагылгач, өер башында озак кына Чиләбе өлкәсенең «Карсакбаев К.Б.» хуҗалыгы аты мастер-жокей Шамил Хатков утырган өч яшьлек айгыр «Эдимон» барса да, икенче әйләнештә мастер-жокей Хамзат Улубаев идарә иткән «Си Коуд» алга ыргылып һәм көндәшләрен артта калдырып, күз ачып йомганчы финишка җитте. Әйтергә кирәк, икенче урынга да Рамзан Кадыровның 2010 елгы «Сирт» кушаматлы айгыры лаек булды. «Эдимон»ны узып, «Год Рим» өченче килде.
Рамзан Кадыровның җиңүче атына һәм жокейга Татарстан Президенты бүләген тантаналы төстә республика Хөкүмәте рәисе Илдар Халиков тапшырды.
http://intertat.ru/tt/
Татар хатын-кызлары өчен кызыклы язмаларны Сөембикә Telegram-каналында укыгыз
Хәзер укыйлар
-
Дус кызымның ире икенче хатын алган Дус кызыма шулчак әллә нәрсә булды, мышык-мышык елап җибәрде, керфекләренә яккан тушь җебеп, алсу бите буйлап акты. Мин Гөлчәчәкне тынычландырырдай кирәкле сүзләр таба алмадым, ни өчен сорау биргәнемә дә үкендем...
-
Хата Тормышта бер генә кеше дә хаталардан хали түгел. Без ясаган хаталар бер-берсеннән зурлыгы йә кечкенәлеге белән генә аерыладыр. Кечкенәләре шунда ук онытыладыр. Ә зурраклары, язмышыңны башка сукмактан алып кереп киткәннәре... Алары башка шул. Алары сине гомер буе озата бара...
-
Елама, Сәрвиназ! (хикәя)
-
Ләкләкләр Яз җиткән саен ләкләкләр кайтуын өзелеп көтә башлыйм. Бу кошлар кайткач җиһанга яңа тормыш иңә кебек. Мин өчен бик кадерле алар. Аларга кагылышлы үз тарихым бар.
-
Бәхетемне сакламадым Һәр хатын-кызның үз тормыш тарихы, үз ялгышлары, үз үкенечләре. Әмма минем кебек беркатлылыгы аркасында үз бәхетен җимергән хатыннар бар микән ул?!
Соңгы комментарийлар
-
24 март 2023 - 14:07Без имениБай ирлэрнен ботен байлыгын балаларына яздырасы иде ул, бер тиенсез ир белэн икенче яшь хатыны яшэргэ телэр идеме икэн?Дус кызымның ире икенче хатын алган
-
26 март 2023 - 07:29Без имениӘлбиттә ирҙән айырылған ҡатын менән иреңде бер өйҙә ҡалдырып китеү ялғышлыҡ. Тик ирҙе өйҙә бикләп ултыртып, кешегә күрһәтмәй йәшәп булмай. Йөрәгендә тоғролоҡ булмаған кеше барыбер хыянат итер ине иртәгәме һуңмы.Бәхетемне сакламадым
-
27 март 2023 - 07:59Без имениИс китмәле хикәя бала чакка кайтып килгәндәй булдым рәхмәт авторга.Кунак мунчасы
-
23 март 2023 - 11:56Без имениБашта ул үзе генә булганда аңа игътибар күп булган, аннан сез кияүгә чыккансыз, игътибар кими төшкән, бала туган, тагын ныграк кимегән, аңа гына карап тору беткән. Ул бала гына икәнен онытып җибәргәнсез. Сезгә ул инде зур, үчтекиләргә кирәк түгел дип саный башлагансыз. Ә ул балада әкренләп әнә шул көнләшү дә, үпкәләү дә, үртәлү дә барлыкка килгән. Белмим, бу хәлне төзәтә алырсызмы.Ничек дуслаштырыйм?
-
22 март 2023 - 10:47Без имени«Улымны узем генэ устердем» дигэн суздэн сон ук барысы да анлашылды. Киленне яратмавыгыз хэр суздэн «кычкырып» тора. Вот и гаеп эзлисезОныгым минеке түгел...
-
Ханбикәләребез Кем ул ханбикә? Дөресен әйтик, бәгъзеләребез аны көнгә биш-алты күлмәк алыштыручы көяз хатын, ефәк тотканнан да кулы кабаручы назлы җан итеп күз алдына китерә. Әлбәттә инде, иркә, тәкәббер вә кыланчык..
-
Кадерле Мәрьям апа Шундый язмышлы кешеләр була, күзгә-башка әллә ни чалынмыйча, тыйнак, гади генә яшиләр дә тыныч кына китеп тә баралар.
-
Сугыш өзгән хыял Сәхнәдә В. Асафьевның «Бахчасарай фонтаны» балеты бара. Уланованың Мариясе шулкадәр табигый, чын, ышандырырлык итеп үлә – ирексездән күзләргә яшь тула.
-
Шәфкать иясе Шәфика Сәнгать күгендә кыска гына вакыт балкып янган Шәфика Котдусованы атылган йолдызга тиңлиләр.