Татарстан иң күп сәфәр кылына торган Россия төбәкләре бишлегенә керде. Узган ел республика кунакханәләренә 1,2 млн кунак урнашкан, әмма 2013 ел белән чагыштырганда,алар 7,2 процентка кимегән.
«Коммерсант» газетасына басылган Ростуризм мәгълүматларына караганда, иң күп сәфәр кылына торган төбәкләр рейтингында Мәскәү (5,5 млн кеше), Санкт-Петербург (2,78 млн), Краснодар крае (2,77 млн), Мәскәү өлкәсе (1,9 млн) һәм Татарстан (1,2 млн) лидерлар рәтендә.
Шул ук вакытта республикада кунакханәләр саны аз булуы билгеләп үтелгән. Шулай итеп, республикада кунакханәләрдә 18,2 мең урын бар, шул ук вакытта Краснодар краенда 118,5 мең урын, Мәскәүдә - 83,4 мең, Санкт-Петербург – 52,9 мең, Мәскәү өлкәсендә – 31,3 мең. Әмма Татарстан бу күрсәткеч буенча Свердловск өлкәсе (кунакханәләрдә 15,2 мең), Ростов өлкәсе (14,3 мең) һәм Приморск краеннан (17,8 мең) өстен.
сылтама:
http://tat.tatar-inform.ru/news/2015/07/31/111880/
Комментарий юк