М. Җәлил исемендәге Татар дәүләт опера һәм балет академия театры солисты Альбина Шаһиморатова бүген Нью-Йоркның Метрополитен Опера сәхнәсендә Г. Доницеттиның «Лючия ди Ламмермур» операсында шул ук исемдәге рольне башкара. Операның режиссеры – М.Циммерман, дирижер – Маурицио Бенини. Альбина Шаһиморатова белән бергә Жозеф Каллея (Энрике), Лука Салси (Эдгардо) җырлаячак.
Ватандашыбыз бу сәхнәдә 16, 19, 24, 28 март һәм 1, 4, 7, 10 апрель көннәрендә чыгыш ясаячак.
Искәртеп үтәбез: Лючия ди Ламмермур ролен М. Җәлил исемендәге опера һәм балет академия театры сәхнәсендә башкарганы өчен 2012 елда Альбина Шаһиморатова Россиянең «Алтын битлек» милли театраль премиясенә лаек булган иде. Казаннан тыш, әлеге рольне ул Миланның «Ла Скала» театрында да башкарды, диелә театрның матбугат хезмәте хәбәрендә.
Фото: Газинур Хафизв
сылтама: http://tatarile.org/news/tt/node/4980
Следите за самым важным и интересным в Telegram-каналеТатмедиа
Комментарий юк