Логотип
Яңалыклар

​Сәләтле студентларга - өстәмә стипендия

2015 елда сәләтле студентлар стипендияләренә өстәп ай саен 20 мең сум акча ала алачак. Әлбәттә, бу матди ярдәм һәркемгә дә тәтеми, аны алыр өчен зур тырышлыклар күрсәтергә кирәк.

Дәүләт мондый грантны бөтенроссия һәм халыкара олимпиадалар, башка чаралар җиңүчеләренә тапшыруны күздә тота. Шунысы бар: бу Россия Федерациясе Мәгариф һәм фән министрлыгының тиешле исемлегенә кергән чараларга гына кагылачак.

Әлеге ведомство мәгълүматларына караганда, бу акчалар уку дәвамында түләнеп барылачак. «Проект югары уку йортларының көндезге бүлегендә белем алучы сәләтле студентларга дәүләт ярдәме күрсәтү йөзеннән оештырыла, – дип белдерә министрлык вәкилләре. – 2015 елда бер мең грант бүлеп биреләчәк. Гаризалар кабул итү 10 августтан башлана».

Мондый грант алучы студентларны контрольдә тоту шулай ук Мәгариф һәм фән министрлыгына йөкләнгән. Стипендиядән тыш өстәмә акчага лаек булыр өчен билгеләнгән вакытта ведомство белгечләренә студент уку, фәнни яки уйлап табу эшчәнлегендәге уңышлары турында мәгълүмат бирергә тиеш була.

Ләкин шунысы бар, әлеге стипендияне алып укыган яшь белгеч укын тәмамлагач кимендә 3 ел Россиядә эшләргә тиеш булачак.

сылтама: http://intertat.ru/tt/society-tt/item/46956-s%D3%99l%D3%99tle-studentlarga-%D3%A9st%D3%99m%D3%99-stipendiya.html

Следите за самым важным и интересным в Telegram-каналеТатмедиа

Комментарий юк

Хәзер укыйлар

Реклама