«Шәһри Казан»га – 25 ел!

Кичә К. Тинчурин исемендәге драма һәм комедия театрында «Шәһри Казан» газетасының 25 еллыгын зурлап билгеләп үттеләр. «Татмедиа» АҖ генераль директоры Фәрит Шаһиәхмәтов газета хезмәткәрләрен бәйрәмнәре белән котлап, аның тарихлы, үз традицияләре булган, үз укучысын тапкан басма булуын әйтеп китте. Зал тутырып килгән кунаклар арасында газетаны оештыруда, аны халыкка танытуда зур өлеш керткән кешеләр, газетаның ветераннары, шушында эшләп киткәннәр, газетаны яратып укучылар, журналистлар, дин әһелләре бар иде. Бәйрәм тантанасы, бүләкләүләр, котлаулар танылган эстрада артистлары чыгышы белән үрелеп барды. Без, «Сөембикә» журналы коллективы, коллегаларыбызны бәйрәмнәре белән тәбрик итәбез. Эшләрендә уңышлар һәм әбунәчеләренең гел артып торуын телибез.