«Татар-информ» мәгълүмат агентлыгында журналистлар өчен узган матбугат конференциясендә Бөтенроссия халык санын алу кампаниясенең азаккы көннәре турында сөйләштеләр.
«Татар-информ» мәгълүмат агентлыгында журналистлар өчен узган матбугат конференциясендә Бөтенроссия халык санын алу кампаниясенең азаккы көннәре турында сөйләштеләр.
15 октябрь көнне башланган Бөтенроссия халык санын алу кампаниясе ахырга якынлашып килә. Ул 14 ноябрь көнне инде төгәлләнәчәк. Бу кампания алдагыларыннан үзенең шактый озаграк баруы белән дә аерылып тора. Моннан алдагы халык санын алу кампаниясе 2010 елда узган иде һәм ул ун көнгә генә сузылды.
Татарстан Республикасы буенча Дәүләт статистика Федераль хезмәте Территориаль органы җитәкчесе Наталья Гатауллина үзенең гражданлык позициясен әле үтәргә өлгермәүчеләрне шушы соңгы көннәрдә сораштыруда катнашырга чакырды.
– 2010 елдан соң инде байтак вакыт узды. Аннан соң республикада бик күп үзгәрешләр булды. Сораштыруда катнашу, анкета сорауларына җавап бирү һәр гаиләнең тормыш шартлары турында да белергә ярдәм итәчәк, – диде ул. – Җавапларга карап, яңа милли һәм социаль проектларга нигез салыначак, күпме мәктәп, балалар бакчасы, клуб кебек социаль объектлар төзергә кирәклеге хәл ителәчәк. Менә шуның өчен дә Бөтенроссия халык санын алу кампаниясеннән читтә калырга ярамый. Республика өчен һәркем кадерле.
Бөтенроссия халык санын алу кампаниясенең нәтиҗәләре 2022 елның ахырында гына билгеле булачак.
Следите за самым важным и интересным в Telegram-каналеТатмедиа
Комментарий юк