9 февральдә «ТАТМЕДИА» акционерлык җәмгыяте «Язылган өчен телевизор!» акциясенә йомгак ясады.
Билгеле булганча, «Татмедиа» җәмгыяте һәр язылу кампаниясендә бүләкләр оту мөмкинлеге булган акция оештыра. «Татмедиа» җәмгыяте рус, татар, удмурт һәм чуваш телләрендә барлыгы 98 газета һәм журнал чыгара.
Акциядә катнашуның төп шарты - «Татмедиа» җәмгыяте чыгара торган газета һәм журналларның кимендә өч басмасына язылырга кирәк.
Быел акциядә 237 кеше катнашкан. Алар Татарстанның шәһәр һәм районнарыннан, шулай ук Башкортстаннан, беренче тапкыр Свердлау өлкәсеннән, Кырым республикасыннан катнашучылар да булган.
Акциянең төп бүләге – 32” диагональле смарт-телевизор иде. Ул Мамадыш районыннан Энҗе Нәҗимевага чыкты. Шулай ук өч кеше санлы фотоаппаратлы булды, 15 кеше юрган отты. Юрган отучылар арасында Казаннан шагыйрь Шаһинур Мостафин да бар иде.
Катнашучыларның һәм җиңүчеләрнең тулы исемлеген
www.tatmedia.ru сайтыннан карарга була.
Комментарий юк