Кандидатлар һәм партияләр турындагы мәгълүматны исә алар Брайль шрифты белән эшләнгән махсус стендлардан белә ала.
Татарстан Үзәк сайлау комиссиясе сайтында хәбәр ителгәнчә, бүген, Россия Федерациясенең Дәүләт Думасына җиденче чакырылышка депутатлар сайлау барышында, күзе күрмәүче сайлаучылар махсус трафаретлар аша тавыш бирә. Кандидатлар һәм партияләр турындагы мәгълүматны исә алар Брайль шрифты белән эшләнгән махсус стендлардан белә ала.
Трафаретлар ТР ҮСК заказы буенча эшләнгән һәм күзе күрмәүче сайлаучылар компактлы рәвештә яшәгән урыннардагы сайлау бүлекчәләренә тапшырылган.
Россия Федерациясенең Федераль Җыелышының Дәүләт Думасына җиденче чакырылышка депутатлар сайлаучылар исемлегендә 300 меңләп инвалид сайлаучы теркәлгән. Сайлауларны оештыручыларның бурычы - инвалид сайлаучыларның хокукларын гади сайлаучыларныкы белән бертигез дәрәҗәдә тәэмин итү. Андый сайлаучы да сайлаулар турында бөтен мәгълүматлы алырга тиеш, сайлауның кайда үткәнен, үз кандидатларын белергә тиеш һәм сайлау мөмкинлегенә ия булырга тиеш, диде Татарстан Үзәк сайлау комиссиясе Рәисе урынбасары В. Каменькова.
чыганак - http://tatar-inform.tatar/news/2016/09/18/126253/
Следите за самым важным и интересным в Telegram-каналеТатмедиа
Комментарий юк