Казанда «Калфак туе» тамашасы була

 25 апрельдә Казан ратушасында “Калфак туе” дигән театральләштерелгән музыкаль тамаша үтәчәк. Чара IV Бөтендөнья Татар хатын-кызлары форумы кысаларында оештырыла. Кунакларны популяр артистлар чыгышы,  осталык класслары көтә.

 Чарада катнашу өчен төп шарт: туташ һәм ханымнарның башында калфак, ә ирләрнекендә түбәтәй булырга тиеш.

 «Калфак туе»нда катнашучылар күренекле татар хатын-кызлары язмышлары белән танышып, Казан ханбикәләре – Нурсолтан һәм Сөембикә, татар халкының беренче профессиональ артисты Сәхипҗамал Гыйззәтуллина-Волжская һ.б. белән «очрашачаклар». Шулай ук теләге булганнар өчен татар халкының милли баш киеме – калфак чигү буенча мастер-класс үткәреләчәк. Моннан тыш, буфетта татар халкының милли ризыклары тәкъдим ителәчәк, шулай ук татар халкының милли киемнәреннән, аяк киемнәреннән күргәзмә оештырылачак, дип хәбәр итә Казан мэриясенең рәсми порталы.

http://intertat.ru/tt/yanalyklar/item/56741-kazanda-kalfak-tue-tamashasyi-bula.html