Казанда VII чакырылыш Дәүләт Думасына депутатлар сайлауларда шәһәрнең иң өлкән кешесе - 100 яшьлек Салих Мөбәраков тавыш бирде. Бу хакта Татарстан Республикасы Үзәк сайлау комиссиясе Мәгълүмат үзәге хәбәр итә.
Күптән түгел бер гасырлык туган көнен билгеләп үткән Бөек Ватан сугышы ветераны Казанның 252нчы сайлау участогында тавыш бирде.
Ветеран өлкән яшьтә булуга карамастан, теркәлү процедурасын мөстәкыйль узды, бюллетеньнарны тутырды һәм урнага салды.
Салих Мөбәраков ничә ел сайлауларга йөргәнен исенә төшерә алмады, әмма "бик күп" дип җавап бирде.
"Мин сайлауларга һәрвакыт иртән йөрим, бу безнең гаилә традициясе, - диде журналистларга ветеран. - Яшь комачауламый. Без киләчәгебезне үзебез сайларга тиеш".
Өлкән сайлаучы оныгы һәм аның хәләл җефете белән килгән. Килене сүзләренчә, алар сайлауларга гел бергә йөриләр.
Искәртеп үтик: "Татар-информ" мәгълүмат агентлыгы "Пирамида" комплексында Татарстан Республикасы Үзәк сайлау комиссиясе Бердәм мәгълүмат үзәгенән онлайн-трансляциясен оештырды. Трансляция төнге 1гә кадәр дәвам итәчәк. Аны агентлык сайтында карарга мөмкин.
чыганак - http://tatar-inform.tatar
Следите за самым важным и интересным в Telegram-каналеТатмедиа
Комментарий юк