Казан мэры Илсур МЕТШИНны ЮХИДИ туктаткан!

Моның турында шәһәр башлыгы футбол буенча Дөнья чемпионаты матбугат үзәгендә сөйләде. 
 - Беренче тапкыр тоткарламыйлар минем машинаны, - дип сөйләп китте мэр, - Беренче мәртәбә Казанда узган Универсиадада тоткарлаганнар иде. Самарадан килгән ГИБДД хезмәткәрләре иде. Итагатьле, әмма шул ул вакытта җитди булулары белән сокландырдылар. Барыбыз да яхшы якка үзгәрәбез!

Быелгы чемпионат вакытында да ике мәртәбә туктаттылар. Удмуртиядән килгән хезмәткәрләр. Эшләре белән канәгать калдым. Иминлегебез - беренче булып тора!