Казан егете ябыккан өчен 2,5 миллион сум акча отты

Казанда яшәүче Тимур Бикбулатов «Взвешенные люди» телевизион шоу-программасында җиңү яулады. 16 атна дәвам иткән бу проектта бөтен ихтыяр көчен җыеп, белгечләр ярдәмендә 53,7 килограмм авырлыкны югалтуга ирешкән 30 яшьлек Тимур хәзер башкаларны да ябыгырга өйрәтә.
Симерүдән интегүче кешеләр катнашындагы әлеге телевизион шоу икенче тапкыр оештырылды. Анда барлыгы 18 кеше диетолог, фитнес тренерлар һәм психологлар ярдәмендә дүрт айлык ябыгу курсы уза. Ярышта катнашучыларны атна саен үлчәп торалар һәм иң аз авырлык югалткан бер кешене кайтарып җибәрәләр. Соңыннан иң күп авырлыкны югалткан кеше җиңүче дип табыла, проектның акчалата премиясенә лаек була. Бу юлы ул 2,5 миллион сумны тәшкил итте.
Тимур проектка 148 килограмм авырлык белән килгән иде. Финалда үлчәнгәндә аның авырлыгы 94,3 килограммга төшкән иде, шулай итеп ул 53,7 килограммын югалтты.
Тимур кечкенәдән таза булуын искәртә. Ул музыка белән шөгыльләнгән, КВНда уйнаган. Гаилә корып яши башлагач, ике баласы тугач күпме генә ябыгырга тырышып караса да барып чыкмаган. Шуңа күрә дә махсус телепроектта катнашырга карар кылган.
Сер түгел, телетапшыруны берничә ай алдан төшереп, аннан соң гына эфирда күрсәтәләр. Җиңүчене хәзер генә игълан итсәләр дә, чынлыкта проект инде февраль аенда тәмамланган. Шушы вакыт эчендә Тимур ирешелгәндә туктап калмаган, әле дә гәүдә авырлыгын киметү белән җитди шөгыльләнә, хәзер аның авырлыгы 84 килограммга кадәр төшкән.
– Ябыккач тормышым, көнкүрешем бик нык үзгәрде, сәламәтлегем яхшырды, спорт белән шөгыльләнәм, теләгән киемнәрне киям, – дип сөенә Тимур. Хатыны белән алар өченче бала көтәләр. Тимур эшен дә алыштырган, элек төзелеш өлкәсендә эшләсә, хәзер үз тәҗрибәсенә таянып, башка кешеләргә ябыгырга булыша.
Иң элек ул табибка күренергә киңәш итә, чөнки ябыгу программасын авыруның сәбәбен ачыклап төзергә кирәк. Әгәр сәламәтлектә җитди проблема табылмаса, йөрәк тибешен тигезләү өчен махсус күнекмәләрдән башларга, шулай ук көн саен иртән һәм кич өчәр чакрым җәяү йөрергә тәкъдим ителә. Тимур үзе көн саен иртән йөгерә, кич белән дә чыга. Туклану диетасы да кешесенә карап төзелә. Беренче чиратта, бөтен кешегә дә көндәлек ашаган ризыгын 20-30 процентка киметергә туры киләчәк. «Тылсымлы диеталар, ябыктыра торган дарулар булмый», – дип кисәтеп, Тимур ябыгу зур теләк, ихтыяр таләп итүен әйтеп, сәламәтлеккә вакытны һәм көчне жәлләмәскә өнди. Әлбәттә, ябыгу өчен даими физик күнекмәләргә дә зур игътибар бирелә: максат – гәүдәдәге май катламы кимергә, ә мускуллар күләме артырга тиеш.
Телепроектта җиңеп алган 2,5 миллион сум акчаны Тимур үз эшенә салган. Шулай да ул бу җиңү аңа – акча түгел, ә тормышка яңача караш бүләк итүен ассызыклый.
http://intertat.ru/
Татар хатын-кызлары өчен кызыклы язмаларны Сөембикә Telegram-каналында укыгыз
Хәзер укыйлар
-
Өч монолог Нурания конвертны ачты, Илдарына хатны тиз генә укып бирергә иде исәбе, тик әллә кайдан ниндидер кайнар агым, кинәт тынын буып, бөтен күкрәген умырып тотты...
-
Авыл малае Бәкер шифаханәсенә юллама бирделәр Нәфисәгә. Эш урыныннан. Аны, инде унбиш елга якын шул бер урында эшләүче сазаган кызны, кемдер исенә төшерер, «аңа да ял кирәк, аңа бирик...» дип искәртер дип башына да китермәгән иде. Иң кирәк җирдә иң кирәкле сүзне кем кемгә әйткәнен төпченеп тормыйча гына юлга кузгалды ул
-
Бала – 50 яшеңдә бала җитәкләп йөрерсеңме? Мин әйткән хәбәрдән соң бар якыннарым чигә тирәсендә бармагын уйнатты. Имеш, башың киттеме әллә?!
-
«Бу сезнең кызыгыз...» Бала таба алмаячагы хакында Кәдрия Азатка туйга кадәр үк әйтте. Егет булачак хатынына шуның кадәр гашыйк иде, кул гына селтәде. – Аптырама, – дип кочаклап алды ул сөеклесен. – Елак балаларсыз икебезгә генә бик рәхәт булачак. Бик теләсәк, табиблар могҗиза ясамый калмас. Аннан соң гаилә баласыз да була ала бит.
-
Яңадан башлыйбыз Палата ишеген ябып куйгач кына тынычланды Филүзә. Иртән ире уянганчы тиз генә кирәк әйберләрен җыеп, баласын ашатып та тормыйча өйдән чыгып киткәнче бер борчылса, хастаханәгә барып җиткәнче ире арттан килеп җитәр дип юл буе тагын борчылды.
Соңгы комментарийлар
-
26 май 2023 - 19:36Без имениКая карасан Анвар , бигерэк купкэ эйлэнденӘнвәр Нургалиев: «Мәхәббәтебез шушы подъездда башланды»
-
26 май 2023 - 11:04Без имениЕгетляр дя шулай буламени бездя шундый УК кыз бар . бар да уз урынында. Эше белеме уз тырышлыгы бн геня тозегян ое Казанда. Но очрамый ахры житякляп китярдяй ир егет . Аллах эше дип кеня булмайдыр ул котеп эрсезряк булган кызлар барсына да олгеряКызлардан куркам
-
27 май 2023 - 18:50Без имениНиках вакытын житмэгэн сизмэй дэкалырсын. Миндэ 33 яшлек кыз бар тоже куркам.Кызлардан куркам
-
Ханбикәләребез Кем ул ханбикә? Дөресен әйтик, бәгъзеләребез аны көнгә биш-алты күлмәк алыштыручы көяз хатын, ефәк тотканнан да кулы кабаручы назлы җан итеп күз алдына китерә. Әлбәттә инде, иркә, тәкәббер вә кыланчык..
-
Кадерле Мәрьям апа Шундый язмышлы кешеләр була, күзгә-башка әллә ни чалынмыйча, тыйнак, гади генә яшиләр дә тыныч кына китеп тә баралар.
-
Сугыш өзгән хыял Сәхнәдә В. Асафьевның «Бахчасарай фонтаны» балеты бара. Уланованың Мариясе шулкадәр табигый, чын, ышандырырлык итеп үлә – ирексездән күзләргә яшь тула.
-
Шәфкать иясе Шәфика Сәнгать күгендә кыска гына вакыт балкып янган Шәфика Котдусованы атылган йолдызга тиңлиләр.