Логотип
Яңалыклар

«Галиябану» Камалга кире кайта

Г. Камал исемендәге татар дәүләт академия театрында М. Фәйзинең «Галиябану» спектаклен  кабат куярга җыеналар. Режиссеры –  Илгиз Зәйниев. Камал театрында «Галиябану» спектакле режиссер Празат Исәнбәт җитәкчелегендә моннан 24 ел элек – 1991 елда куелган иде. Төп рольләрне Илсөя һәм Рамил Төхфәтуллинннар, Әмир Камалиев башкарды.

Галиябану, Хәлил, Исмәгыйль рольләре күп кенә Камал артистларының иҗат башлангычы булып тора. Төрле елларда Галиябану ролен - Әшрәф Синяева, Сара Байкина, Рокыя Кушловская, Мәрзия Минлебаева, Рауза Хәйретдинова, Мәсгудә Хәйруллина һәм Илсөя Төхфәтуллина; Хәлил ролен – Ситдыйк Айдаров, Камал III, Уралский I, Хәким Сәлимҗанов, Ибраһим Гафуров, Дилүс Ильясов, Роберт Әбүлмәмбәтов һәм Рамил Төхфәтуллин; Исмәгыйльне – Барый Тарһанов, Камал I, Хәмит Күлмәмәт, Хәким Сәлимҗанов, Шакир Шамилский, Хидәят Солтанов, Илшат Юмагулов, Әмир Камалиев башкара.



«Галиябану»ның яңа премьерасы быелның 3 октябрендә булачак. Галиябану ролендә – Гүзәл Гөлвердиева, Хәлил – Фәннүр Мөхәммәтҗанов, Исмәгыйль – Алмаз Гәрәев.

«Галиябану» бай куелыш тарихына ия, шул исәптән, милли театрлар сәхнәсендә дә. Әлбәтта, безнең өскә зур җаваплылылк йөкләнгән, чөнки тамашачыларның әлеге спектакль хакында үз күзаллаулары, хатирәләре бар. Мин үз алдыма оригинал текст белән эшләргә дигән максат куйдым. Персонажларны булдыра алганча чын итәргә тырыштым: алар чынбарлыктан, ә фольклор сувенирлары түгел. Шулай ук, текстның актуаль булуы да мөһим, пьеса бит нәкъ йөз ел элек язылган. Ничек кенә булмасын, без Галиябану тарихының тамашачылар өчен ни дәрәҗәдә кадерле икәнен аңлыйбыз һәм пьесага тирән хөрмәт белән мөрәҗәгать иттек», – ди спектакльнең режиссеры Илгиз Зәйниев.
 

Следите за самым важным и интересным в Telegram-каналеТатмедиа

Комментарий юк

Хәзер укыйлар

Реклама