ES Gallery һәм Тинчурин театры рәссамнар өчен бөтенроссия рәссамнар өчен ачык бәйге игълан итә

Театр һәм галерея коллаборациясе рәссамнарга сәхнә һәм визуаль сәнгатьнең үзара бәйләнешен тикшерергә тәкъдим итә: хәзерге сәнгать чаралары белән театраль киңлекне ничек яңача аңлап булуын һәм рәссамның яңа театраль сезонның авторларының берсе  булу мөмкинлеген.
Кемнәр катнаша ала
Катнашырга Россиянең теләсә кайсы шәһәреннән рәссамнар чакырыла.Төрле медиадагы проектлар карала, алар арасында:
• рәсем сәнгате (живопись)
• графика
• скульптура
• инсталляция
• видео-арт
• текстиль
• site-specific проектлар
Элек күргәзмәгә куелмаган әзер әсәрләрне дә, шулай ук театр киңлеге өчен махсус тормышка ашырылачак яңа концепцияләрне, эскизларны һәм проектларны да тапшырырга мөмкин.
Җиңүчеләр нәрсә ала
• эшне булдыруга финанс ярдәме;
• яңа театраль сезон дәвамында проектны Тинчурин театры киңлегендә тәкъдим итү мөмкинлеге;
• проектны театрның визуаль һәм вакыйгалар программасына интеграцияләү;
• ES Gallery һәм Тинчурин театрыннан мәгълүмати ярдәм;
• алдагы проектлар һәм коллаборацияләр өчен ES Gallery рәссамнары пулына керү мөмкинлеге.
Сроклар
Гаризалар кабул итү: 2026 елның 10 августына кадәр.
Нәтиҗәләрне игълан итү: 2026 елның 15 августына кадәр.
Гаризаны ничек тапшырырга
«Яңа офыклар» («Новые горизонты») темасы белән электрон почтага хат җибәрергә: esgallerystudios@gmail.com
Хатта түбәндәгеләрне күрсәтергә кирәк:
• исем һәм фамилия;
• яшәү шәһәре;
• кыскача портфолио (10 эшкә кадәр) яки сайтка / социаль челтәрләргә сылтама;
• проектның яки эшнең тасвирламасы (2000 билгегә кадәр);
• проектның визуализацияләре, эскизлары яки фотосурәтләре (JPEG яки PDF форматында 5 файлга кадәр).

Партнерлар турында
ES Gallery
ES Gallery –Россиядә һәм чит илләрдә күргәзмә проектлары һәм музей экспозицияләре  оештыручы заманча сәнгать галереясе. Галерея Россия һәм халыкара рәссамнар белән хезмәттәшлек итә, хәзерге сәнгать, театр, архитектура һәм шәһәр мохите киселешендәге дисциплинаара проектларны үстерә, мәдәни коллаборацияләр һәм яңа сәнгать практикалары инициаторы булып чыгыш ясый.
Тинчурин театры
Кәрим Тинчурин исемендәге Татар дәүләт драма һәм комедия театры  – 1933 елда нигезләнгән республиканың әйдәп баручы милли театрларының берсе. Бүгенге көндә театр үз тарихының иң якты этапларының берсен кичерә. Яңа бинага күчү, яңа баш режиссер Айдар Заббаровның килүе һәм тәвәккәл иҗади карарлар театрга яңа сулыш бирде. Үткән сезон дәвамында коллектив тамашачыларны якты премьералар, хәзерге сәнгать теле һәм масштаблы проектлар белән гаҗәпләндерде, үз үсешенең яңа битен ышанычлы рәвештә ачты.