Татарстанның халык артисты Салават Фәтхетдинов Россия Федерациясе Федераль Җыены Дәүләт Думасының җиденче чакырылыш депутатларын сайлауларында үз тавышын бирде. Фәтхетдиновлар гаиләсе сайлауга 178 нче номерлы участокка килде. Артисның эшчәнлеге белән кызыксынган башка сайлаучылар аның белән фотога төште, автографын алды, дип хәбәр итте ТР Үзәк сайлау комиссиясе.
“Безнең сайлау белән беркайчан да проблема булмады. Россиядә безнең белән беркем дә ярыша алмый. Бу юлы да сайлаучылар күплеге буенча бер лидер булырбыз. Без үзебез сайлыйбыз, димәк, барысы да безнең кулларда”, - дип сөйләде журналистларга Салават Фәтхетдинов.
чыганак - http://tatar-inform.tatar/
Следите за самым важным и интересным в Telegram-каналеТатмедиа
Комментарий юк