Бу җәйдә Казанның 16 меңнән артык укучысы мәктәп яны лагерьларында эшли һәм ял итә ала

Матди яктан аз тәэмин ителгән гаиләләрдә тәрбияләнүче балалар лагерьга бушлай йөрү мөмкинлеге бирелә. Бүген бу хакта шәһәр мэриясендә узган "эшлекле дүшәмбе"дә Казан каласы Башкарма комитетының мәгариф идарәсе башлыгы Илсур Һадиуллин хәбәр итте.

Докладчы сүзләренчә, мәктәпләр базасында 1,5 меңнән артык эш урыны булдырылачак, аларда 14тән 18 яшькәчә балалар көнгә 4 сәгать хезмәт куя алачак. "Барлыгы 16 меңнән артык укучы оешкан төстә ял итә һәм эшли алачак", - дип хәбәр итте ул.

"1 апрельдән балалар бакчаларын комплектлау эшләре башланды. Балалар бакчаларына 13 меңнән артык бала юллама алды инде, шул исәптән 3 яшькә кадәрге 9 мең  бала. Ясле төркемнәрен 1,5тән алып 3 яшькә кадәр балалар белән комплектлау башланды. Балалар бакчаларына 66 мең бала йөриячәк", - диде спикер.

Ул шулай ук мәктәпне тәмамлаучылар һәм узган ел туган балалар нисбәтенә игътибарны юнәлтте - 5,5 мең һәм 24 мең. "Бу дүрт тапкырдан артык дигән үз. Әлеге балалар җиде елдан соң мәктәпләргә киләчәк һәм мәктәп кытлыгы мәсьәләсе туачак. Үсеше тиз булган микрорайоннарда 8 меңнән артык урынга исәпләнгән 7 мәктәп төзү каралган. Хәзер Казанның Совет районында 1224 урынга исәпләнгән мәктәп төзелә башлады", - диде И.Һадиуллин.

Аның сүзләренчә, уку елы тәмамланмаса да, мәктәпләрне яңа уку елына әзерләү эшләре башланды. 68 мәктәп һәм 137 балалар бакчасынла агымдагы ремонт ясалачак.

чыганак