Йөземле, кипкəн чияле һəм чиклəвекле искиткеч тəмле челтəр сыман камыр ризыгы ул краффин.
Бадам чиклəвеге (миндаль) тəме килеп торган бу камыр ашын татып карагыз əле.
Кирəк:
* 20 г чүпрə;
* 150 мл сөт;
* 80 г шикәр комы;
* 1 чəй кашыгы тоз;
* 1 йомырка;
* 2 йомырканың сарысы;
* 40 г эретелгəн атланмай;
* 40 г йомшаган атланмай (майлау өчен);
* 300-400 г югары сортлы он;
* 30 г əстерхан чиклəвеге;
* бер уч киптерелгəн чия;
* бер уч төшсез йөзем;
* 1 кап марципан тəме килеп торган глазурь (шикəр ширбəте);
* 9 г ванилин;
* төрле кондитер бизəклəре.
Эш барышы:
1. 1 чəй кашыгы песок белəн чүпрəне җылымса сөткə салып,
...чүпрəсе бүрек кебек күтəрелгəнче җылы урынга куеп торабыз.
2. 1 йомырка белəн 2 йомырка сарысын, эретелгəн атланмай белəн 80 г шикәр комын, шулай ук ванилинны да кушып,
...күбеклəнгəнче күпертəбез.
3. Барлыкка килгəн ике катнашманы да бергə кушып, шунда тоз, илəнгəн он өстибез.
4. Камыр баса башлыйбыз. 10 минут чамасы вакыт кирəк булачак камыр басар өчен. Аннары аны сəгать ярымга җылы урынга куеп торабыз.
5. Камыр күтəрелеп менгəч, куна тактасында юка гына итеп турыпочмаклап җəябез дə йомшак атланмай белəн өстен майлаганнан соң, киптерелгəн чия, йөзем, туралган əстерхан чиклəвеге түшибез.
6. Аннан рулет итеп төрəбез. Аның буе 50 см чамасы килеп чыга.
7. Буеннан-буена кырыйларын әйбəтлəп бөрəбез.
8. Кырыйларына җитмичə буеннан-буена кисəбез.
9. Əкəм-төкəм итеп башта бер ягын бөрəбез. Аннары икенче ягын да шулай итеп бөреп, өскə каратабыз.
10. Табаны үсемлек мае белəн майлап, краффинны шунда урнаштырабыз да тагын бер ярты сəгатькə җылы урынга куеп торабыз.
11. 200 градуска кадəр җылытылган духовкада 25 минут пешерəбез.
12. Пешеп, əзер булгач, табадан алып, суытабыз.
13. Аннары глазурь белəн, инструкциядə өйрəткəнчə, краффинның өстенə сөртəбез һəм төрле кондитер бизəклəре белəн матурлыйбыз.
фото: Марина Дмитриева
Марина Дмитриева,
Комментарий юк