Наггетслар

Сусыл, тəмле, кетердəвекле бу ризыкны өйдə бер пешереп карасагыз, Макдональдс наггетсларына бүтəн борылып та карамаячаксыз.

Кирəк:

* 250 г тавык түше;

* 1 йомырка;

* 80-100 г каты сыр;

* 2 аш кашыгы сохари валчыгы;

* 1 чəй кашыгы паприка;

* тəменчə тоз, борыч;

* кыздырыр өчен 1 аш кашыгы үсемлек мае.

Эш барышы:

1. Тавык түшен 1 см калынлыкта буйга турыйбыз.

2. Бер тəлинкəгə сохари валчыгын, тоз, борыч, паприканы бергə кушабыз.

3. Икенче тəлинкəгə вак угычтан сыр уабыз.

4. Йомырканы əйбəтлəп туглыйбыз. Сохари валчыгы белəн сыр ябышсын өчен, йомырканы бик əйбəтлəп туглап күпертергə кирəк.

5. Тавык түшенең һəрбер кисəген башта тугланган йомырка сыекчасына манып алабыз, аннан сохари валчыгы, тоз, борыч, паприка кушылган тəлинкəдə əвəлибез, янə йомырка сыекчасына манабыз, иң ахырдан сыр эчендə əвəлибез.