Ул апельсиннар, мандариннар, кивилар үскән, башлары зәңгәр күкләргә ашкан кипарислар, пальмалар илендә — дөньяның җәннәти бер почмагында — Абхазия Республикасының Пицунда шәһәрендә яши. Озак еллар балалар бакчасында тәрбияче булып эшләгән. Яраткан шөгыльләре күп аның: ул шигырьләр яза, яшелчә әйберләреннән төрле тәмләткечләр әзерли... һәм телеңне йотарлык камыр ашлары пешерә.
Кирәк:
Камырга:
1 кг он;
1 л сөт;
500 г каймак;
2 йомырка;
1 стакан үсемлек мае;
1 аш кашыгы чүпрә;
бер чеметем тоз.
Эчлеккә:
Сулугуни сыры;
сыер мае.
Эш барышы:
җылытылган сөткә чүпрә саласың, аннары каймак, 2 йомырка, 1 стакан үсемлек мае, тоз кушасың да шуңа
1 кг он салып, камыр басасың.
Камырны тигез итеп өч өлешкә бүләсең. Аны үсемлек мае белән майланган өч табага кул белән җәясең.
Камыр өстенә угычтан сыр уасың (бер баш сулугуни өч хачапурига җитә), өстенә 100-150 г сыер мае кушасың.
Камырны һәрьяклап җыясың да тоташтырасың һәм кул белән басып, тигезләп куясың. Чәнечке белән берничә төштән төрткәлисең,
өстен әз генә су кушылган
күкәй сарысы белән майлап
куясың.
Аннары – мичкә... Өсте кызара башлауга – хачапури әзер!
Комментарийлар
0
0
Рәхмәт Нәсим әфәнде, Бар безнең арада, анда көчле ханымнар,
0
0