Бездә әле җәй рәхәте. Аның иң кызган көннәре. Бакчаларыбызда да эш кызу: яшелчәләр өлгерә, аларны тозлыйсы, маринадлыйсы, эшкәртәсе... Менә помидорлар да кызара башлады. Сез аларны инде тозлыйсыз, маринадлыйсыздыр. Помидорлар күпләп кызара башласа, аларны кыш өчен гадәти булмаган бер ысул белән әзерләп куярга мөмкин. Сүз тозлау да, маринадлау да турында тхгел, помидорларны каклау төрында бара. Каклалау өчен помидорлар бик күп кирәк, шуңа да кая куярга дигән сорау үзеннән үзе төшеп кала.
Димәк:
Ярты литрлы банкага:
* 1500 г вак һәм итләч помидорлар;
* 1 чәй кашыгы диңгез тозы;
* 1 чәй кашыгы шикәр комы;
* 1/4 чәй кашыгы төелгән кара борыч;
* 5-6 тырнак сарымсак;
* 1 чәй кашыгы төелгән яшел рәйхан (базилик);
* 3 аш кашыгы зәйтүн мае.
Эш барышы:
Кило ярым помидорны юабыз, киптерәбез дә урталайга бүлеп, сабак төбен алабыз.
Табага ялтыравык ягын өскә каратып фольга җәябез, шуңа киселгән ягын өскә калдырып, помидорларны тезәбез.
Тоз, борыч сибәбез, шикәр комын бөркибез. Һәрберсенең өстенә коры рәйхан сибеп чыгабыз.
Махсус май савыты ярдәмендә помидорларга зәйтүн мае сиптерәбез. Ул булмаса, кашык очы белән генә сибәргә дә була. Якынча өч аш кашыгы май китә.
Сарымсакны изеп, һәрбер помидорның өстенә салып чыгабыз. Монда инде билгеле бер микъдары юк, күз үлчәме белән генә эш итәбез.
Табаны мичкә тыгып, бик тә сүрән утта 3 сәгать пешерәбез.
Кайнар помидорларны тыгызлап пыяла банкага тутырабыз да калай капкач белән һава кермәслек итеп томалыйбыз. Мичне сүндереп, банканы ярты сәгатькә шунда тыгып торабыз.
Мичтән банканы алгач, астын-өскә әйләндереп, суытабыз.
Какаланган помидорларны суыткычта саклыйбыз.
Кило ярым помидорны, каклагач, ярты лиртлы банкалык кына кала.
Марина Дмитриева,
Комментарий юк