Әтием утырткан алмагач

Әтием утырткан алмагач

Әтием утырткан алмагач
Минем белән бергә үсте,
Бик сөендек чәчәк ул аткач, 
Алма көтеп сулар сиптем!..

Кайчак ачулы җил узса да,
Сыгылмады ул, сынмады.
Әтием назы торды сакта -
Ак чәчәкләр коелмады!..

Көзләр җитте,мин инде үстем
Өлгермәдем дә селкетергә...
Алма тәгәрәде, әтием
Калды шул мизгел хәтердә!..

Алсу алмалар тәгәрәде,
Әтием алмагачыннан.
Алмаларын әти күрмәде,
Уйга калып моңнарыннан...

08.08.2017

 

Чәчкә таҗы бизәк күңелгә!..

Мәхәббәт hәр йөрәктә сихри сер
Ятларга җан хисләр сизелмәс... 
Сөелеп сөйгәндә йөрәктер бер,
Серле хисләр элек-электән!..

Гомердән озын саф теләк,
Урыны күренмәс җанда...
Яши теләк бәхет теләп,
Гөлләр яратып чыклы таңда!..

Назлый күңелләрне моңлы гөлләр,
Күмелеп ягымлы сүзләргә...
Гашыйк җан гөлдән такыя үрә,
Чәчкә таҗы бизәк күңелгә!..

22.07.2017
 

Илаһи нурлы хыялым!..

Билгесезлек шом салса да җанга,
Югалмый күңелдә омтылыш;
Юанам карап Илаһи нурга -
Кайный каным - яңара тормыш.

Талпынам очарга моңланып,
Интегсә дә янып рухым -
Сердәш-дустым, сихри юлдашым-
Илаһи нурлы хыялым!..

Бирешмим һичшиксез җәзаларга,
Yткәрәм шелтәле карашлар;
Биим басып утлы табаларга,
Була шау-шу, яшьле шатлыклар.

Талпынам очарга моңланып,
Интегсә дә янып рухым;
Сердәш-дустым, сихри юлдашым-
Илаһи нурлы хыялым!..

Хыял-бакчамда гөлләр чәчәктә,
Сибә иртән ай- нур чыкларын;
Моңайма дип елмайса фәрештә -
Чәчәк ата тормыш юлларым!..

04.08.2017

Ышана күр...

Назлы сузләр авазы булып
Чын сөю утсә йөрәккә,
Күзгә күз карашыр аңлашып,
Җаннар чумар мәхәббәткә...

Ышан, сөеклем, ышана күр
Керсез мәхәббәт барына,
Бергенәм, бәхетле була күр, 
Бәхетле бул бәхет хакына!..

Сөйгән йөрәк бәхет өләшә 
Сорамый берни алмашка.
Тик нәфрәт бәхеттән көнләшә, 
Узмасын ят хис язмышка.

Ачуланма син, ачуланма,
Мин сине озак тапмадым.
Кайгыларга салып елатма,
Йолдызларда мине югалтып!..

Ышан, сөеклем, ышана күр
Керсез мәхәббәт хакына,
Бергенәм, бәхетле була күр,
Бәхетле бул бәхет хакына!..

05.08.2017
 

Телсез телефон

Җан түрендә булдың гөмер буе,
Бар хыялымны син урадың...
Төн узып көн туды-минем уем,
Әлү...ишет мине, синдә булды! 

Җан җылым алып калдың, үзеңдә
Синсез тынлык белән сөйләшәм...
Йөрәк бит hаман яратып тибә,
Әлү... дәш син миңа, ишетсәң!..

Кайларда яшисең минсез, җаным,
Йөрәгең миңа урын бирсә,
Әгәр булса минем сиңа хакым,
Әлү... дәш син миңа, ишетсәң!..

06.08.2017

Ай очрашканда җир белән!..

Кояш тауларга нур чәчкәндә, 
Таң очрашадыр төн белән.
Тауларда хыялым минем дә,
Анда безнең юл,эзләнгән...

Кояш батса таулар артына,
Төн хушлашадыр көн белән.
Кояш батканда тау артына,
Минем җаным синең белән.

Сөю җырын җил җырлап илтсен, 
Кайтаваз булып тауларга...
Кояш хушлашса таулар белән,
Күңел тарта ник тауларга...

Кояш тауларга нур чәчкәндә,
Таң очрашадыр төн белән.
Җаным сине эзли минемдә,
Ай очрашканда җир белән!..

07.08.2017