Татарстанның халык артисты Алсу Абульханова соңгы елларда гуманитар миссия белән шөгыльләнүче рәсми делегацияләр составында еш йөри. Аның Сириядә, Кырымда, Белгород һәм Курск өлкәләрендә булып кайтуы билгеле. Бу сәфәрләр вакытында җырчы хәрбиләр белән очраша, махсус хәрби операциядә катнашучы якташларыбызны туган телебездәге җырлары белән рухландыра. Җиңү бәйрәме алдыннан да Алсу Абульханова шундый сәфәрдән кайткан иде.
