Күз явын алырлык әлеге аяк киемнәрен яшьләрдә дә күрү – үзе сөенеч. Алар өчен чигүле чүәкләр бүген миллилеккә йөз тоткан татар модасы булса, өлкән буын өчен иң элек – кадерле истәлек, балачак хатирәсе. Арчада «Милли аяк киемнәре җитештерү» берләшмәсе гөрләп эшләгән чорларда һәрберебезнең әнисендә, әбисендә бар иде ул. Әнисе кигән шул чүәкләр Кукмара районында яшәүче Рәмзия апа ГАЛИМҖАНОВАны лаеклы ялга чыккач яңа шөгыль өйрәнергә рухландырган.
