«Иремне ир-ат буларак яратудан туктадым. Ул миңа дус, балаларымның әтисе буларак якын. Өч балабыз бар, алар хакына түзәм. Үз-үземне интектереп, мин аның белән яшәүне дәвам итәргә тиешме?»
Татарстанның Апас районыннан язган Асия ханымның әлеге соравына Казанның «Гаилә» мәчете имамы Нуршат хәзрәт Муллагалиев җавап бирә:
– Әссәләәмү галәйкүм үә рахмәтүллаһи үә бәракәәтүһ!
– Әгәр дә чыннан да ул хатын ирен яратмый икән, моның асылын, сәбәбен аңларга кирәк. Асия исемле бу хатынга бәлкем сихер, бозык эләккәндер. Әлбәттә, башта гаиләне саклап калу өчен тырышырга кирәк. Бу ханым үз әти-әнисе белән киңәшләшергә тиеш, аннары иренә әйтергә, вәзгыятьне аңа аңлатырга. Әгәр дә ире аны тәэмин итә, хөрмәт белән карый икән, балаларына яхшы мөнәсәбәт бар икән, мәсьәлә үзеннән-үзе чишелә. Үз-үзен интектерәм дигән, шул кадәр интегәме икән ул? Бүгенге көндә гаиләләрне бозу бик киң таралган. Элекке заманаларга караганда да, чөнки сихергә өйрәнергә җиңел бүген. Интернетка керсәң, рәхәтләнеп өйрәнергә була. Бу мәсьәлә буенча бик күп китаплар да сатыла. Телевизорлардан да күп күрсәтелә. Менә шулардан сак булырга кирәк. Гаиләсен ташлап бу хатын башка җирдә бәхет таба дигән сүз түгел.
Бүген кешеләр ике категориягә бүленә, беренчеләре бәхетләрен үткән заманда күрә, икенчеләре исә киләчәк заманда эзли. Бүгендәгесен күрмиләр, ә без бүгенге көн белән яшәргә тиеш.
Тик торганнан нәфрәт уяна икән, бу инде сихер булырга мөмкин, шуңа күрә өшкертергә кирәк. Кабатлап әйтәм, гаиләне саклап калу өчен бөтен көчне кулланырга кирәк!
сылтама
Комментарийлар
0
0
кыз=хатын балаларын яратса, аларга бэхет телэсэ - сабыр буларга хэм аларнын, эйтилэрендэ яратаыб/хермэт итеб торыга ...мэжбури
0
0
0
0
Моселман кешесена сихергэ ышану ин зур гонаха. Имам шундый суз эйтэ ме инде ул, ярамаган эш? Аллахыбыздан сорарга кирак, элек махаббат булган бит, махаббатемне кайтар диеп, диннан аерма, дин нигезларе белан яшэргэ насыйп ит диеп.
0
0
0
0
3 бала белән кайдан табарсың соң ул бәхетне. 1 ай аерым яшә, шуннан аңларсың, только аңардан ярдәм алма, дөньяны үзең тарт. Чөнки син берүзең сөйрәргә тиеш буласың, 3 баланы, үзеңне. Үскәнем, син мөгаен акчага интекмисеңдер, 3 бала белән мондый фикерләр кергәч.
0
0
0
0
Рәхәт кә түзе алмыйлар, ките калса алиментка бире.
0
0
0
0
Бик бетен котырса Я хосписка Я онкологическийга экскурсиягэ барып кил
0
0