Бизәкле алка

Соңгы вакытта модага кергән, хатын-кызлар яратып таккан пластик бижутерия ясау буенча мастер-классны Дилә Нуриева үткәрә.

 
Пластик белән эшләгәндә түбәндәгеләр кирәк:

* Пыяла яки пластмасс такта, чиста кәгазь дә ярый.
* Лак (пластик өчен махсус лаклар бар. Паркет лагын кулланырга була – нигезендә су булырга тиеш. Тырнак лагы туры килми!).
* Кул сөртер өчен юеш чүпрәк.
* Пластикны юка итеп җәю өчен роллер. (Дезодорант савыты, кырлары булмаган стакан да ярый.)
* Эшләнмәләрне кисү өчен лезвие яки нечкә пәке.
* Стекалар (пластилин наборларында да була алар, аерым да сатыла).
*  Эшләнмәләрне пыялага куеп мичкә тыгарга була, шарчыкларны исә шырпыга эләктереп, пробкага яки укмаштырылган фольгага кадап куябыз. (Мичтән чыгуга ук шырпыларны тартып алабыз, югыйсә, ябышачак.)

Кирәк:

* яшел пластик (Fimo);
* бакыр төсендәге алка асылмасы;
* вак мәрҗәннәр (яшел төстә булса матур);
*  штамп — рәсеме туры килердәй төймә;
* кара белән язу каләме;
* штифтлар (кыл белән дә эшләү мөмкин);
* бронза төсендәге акрил буяу;
* нечкә каргаборын (плоскогубцы).

Эш барышы:

Пластикны кулда изәбез.
Цилиндр ясыйбыз. Бүләбез. Ике шарчык тәгәрәтәбез. Ямьшәйтәбез. Энә белән тишәбез.

Уртасына штамп бастырабыз.

Каләм очы яки башка корал белән бизәкләр төшерәбез.
Уемнарга кертмичә генә пластикка җиңелчә кагылып, бармак очы белән акрил буяу тидерәбез.Бераз киптерәбез.
Пыяладан алмыйча, суык мичкә куябыз.

Мичне 130 градуска кадәр җылытып, 30 минут тотабыз.Лаклыйбыз.

Алканы җыябыз.

Әлеге технологияне кулланып, алка янына муенса, беләзек тә ясап була.