Декупаж техникасы ярдәмендә бизәлгән шәм белән дусларыгызны шаккатырырга телисезме? Бик җиңел!
Кирәк:
* калын шәм;
* матур бизәкле салфетка;
* аш кашыгы;
* кашыкны җылыту өчен газ горелкасы яки кечкенә шәм;
* губка яки йомшак сөлге.
Эш барышы:
Салфеткадан бизәкне кисеп алабыз. (Гади декупаждагы шикелле үк, өстәге катламын гына аерып алабыз.) Кашыкның эчке ягын горелка яки шәмдә кыздырабыз, тышкы ягын корымламаска тырышыгыз, югыйсә, бизәгебез пычраначак. Бизәкне, кайнар кашык тигезә-тигезә, шәмгә батыра башлыйбыз. Кашык белән бик пөхтәләп, каты итеп басмыйча эшлибез. Шәм бераз эриячәк һәм кәгазь бизәк балавызга сеңәчәк. (Иң мөһиме: рәсемнең шәмгә батып керүе, юкса, шәм янганда, бизәкнең дә янып китүе бар.)
Декупаждан соң шәмне саклык белән генә губка яки сөлге белән шомартып ялтыратабыз.
Ни өчен нәкъ калын шәм алырга тәкъдим итәбезме? Калын булганда шәм уртасыннан җылынып, як-якларына азрак җылы тия һәм шуңа күрә салфетканың кабынып китү ихтималы азая.
Иң яхшысы: ак яки аксыл төстәге шәм – рәсем ап-ачык күренеп торачак.
Комментарий юк