Бала белән кибеттә йөрү кагыйдәләре

Кибеттә әйбер сорап үкереп елаган баланы күрү сирәк күренеш түгел. Бичара әнисе ни кылырга белми. Алай киреләнеп елаганда бала әйткәнне дә, төрткәнне дә белми шул ул. Андый кыен хәлләрдә калмас өчен, балалар белән кибеткә җыенганда әти-әниләргә берничә киңәш.

 

Әле иртә

2 яшьтән алып дүрт яшькә кадәр булган балаларны, мөмкинлек булса, кибеткә барганда ияртмәсәң яхшырак. Мондагы матур, җете төсләрдән, уенчыклардан баланың игътибары уяна. Теген ал, моны ал, дип, киреләнеп елый башлый, алмасаң, ярсый.

Шуңа да үзегез өчен кагыйдә кертегез: кибеткә барганда, бигрәк тә балалар кибетенә барганда, бәләкәчегезне ияртмәскә тырышыгыз.

 

Исемлек белән

Өлкәнрәк балалар белән кибеткә баруны алар өчен файдалы шөгыльгә әйләндерергә була. Әле өйдә үк балагызга нәрсәләр аласыгызны әйтегез һәм аларның исемлеген төзегез. Шулай иткәндә, ул кибеттән кирәк әйберне генә алу мөһимлегенә өйрәнәчәк. Әле укый белмәгән нәниләр өчен продуктларның рәсемнәре төшерелгән карточкалар ясарга була. Исемлеккә дә шушы продуктның сурәтен ясап куегыз. Балагызга исемлектәге ул әйберне үзе табып алырга тәкъим итегез. Ә ярдәме өчен сез аңа берәр тәмле әйбер сатып алып, бүләкләгез.

 

Теләкләр китабы

Кибеттәге җәнҗалдан котылуның шәп ысулы бу. Балагыз күзе төшкән уенчыкны сорап, киреләнеп елый башласа, кесәгездән шушы дәфтәрне чыгарып: «Әйдә, бу теләгеңне шушында язып куябыз. Өйгә кайткач, уйларбыз, – диегез дә, – улыма (яки кызыма) алырга кирәк...» – дип, телдән кабатлап, аның теләгәнен язып куегыз. Ул исемлек зур була дип курыкмагыз, чөнки бала өйгә кайткач, кибеттән нәрсәне сорап интектергәнен онытачак та әле. Калганнарын бергәләп тикшерегез. Кыйммәтле әйберләрне – туган көнгә калдырыгыз, ә арзанлыракны приз сыйфатында сатып алсаң да буладыр. Дөрес кулланганда, теләкләр китабы нервыларны саклап калырга шактый ярдәм итәчәк.

 

Капризларны үтәмәгез

Бер тапкыр юл куясыз икән, бала күз яшьләре белән үз дигәненә ирешеп буласын тиз төшенәчәк. Катгый тавыш белән балага еларга ярамаганын әйтегез. Әгәр бу сүзләр тәэсир итми, бала киреләнүендә була икән, берни дә алмыйча, тиз-тиз адымнар белән кибеттән чыгып китегез.

 

 

 

 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Өч монолог Нурания конвертны ачты, Илдарына хатны тиз генә укып бирергә иде исәбе, тик әллә кайдан ниндидер кайнар агым, кинәт тынын буып, бөтен күкрәген умырып тотты...
    5678
    2
    28
  • Авыл малае Бәкер шифаханәсенә юллама бирделәр Нәфисәгә. Эш урыныннан. Аны, инде унбиш елга якын шул бер урында эшләүче сазаган кызны, кемдер исенә төшерер, «аңа да ял кирәк, аңа бирик...» дип искәртер дип башына да китермәгән иде. Иң кирәк җирдә иң кирәкле сүзне кем кемгә әйткәнен төпченеп тормыйча гына юлга кузгалды ул
    2669
    1
    28
  • Бала – 50 яшеңдә бала җитәкләп йөрерсеңме? Мин әйткән хәбәрдән соң бар якыннарым чигә тирәсендә бармагын уйнатты. Имеш, башың киттеме әллә?! 
    4342
    1
    25
  • «Бу сезнең кызыгыз...» Бала таба алмаячагы хакында Кәдрия Азатка туйга кадәр үк әйтте. Егет  булачак хатынына шуның кадәр гашыйк иде, кул гына селтәде.  – Аптырама, – дип кочаклап алды ул сөеклесен. – Елак балаларсыз икебезгә генә бик рәхәт булачак. Бик теләсәк, табиблар могҗиза ясамый калмас. Аннан соң гаилә баласыз  да була ала бит.
    2227
    0
    18
  • Яңадан башлыйбыз Палата ишеген ябып куйгач кына тынычланды Филүзә. Иртән ире уянганчы тиз генә кирәк әйберләрен җыеп, баласын ашатып та тормыйча өйдән чыгып киткәнче бер борчылса, хастаханәгә барып җиткәнче ире арттан килеп җитәр дип юл буе тагын борчылды.
    1955
    0
    14
Реклама
Соңгы комментарийлар
  • 26 май 2023 - 19:36
    Без имени
    Кая карасан Анвар , бигерэк купкэ эйлэнден
    Әнвәр Нургалиев: «Мәхәббәтебез шушы подъездда башланды»
  • 26 май 2023 - 11:04
    Без имени
    Егетляр дя шулай буламени бездя шундый УК кыз бар . бар да уз урынында. Эше белеме уз тырышлыгы бн геня тозегян ое Казанда. Но очрамый ахры житякляп китярдяй ир егет . Аллах эше дип кеня булмайдыр ул котеп эрсезряк булган кызлар барсына да олгеря
    Кызлардан куркам
  • 26 май 2023 - 19:50
    Без имени
    Рэхмэт
    Бала
  • 27 май 2023 - 17:23
    Без имени
    Ник хикәянең дәвамы да,ахыры да юк?
    Башкорт кызы
  • 27 май 2023 - 18:50
    Без имени
    Никах вакытын житмэгэн сизмэй дэкалырсын. Миндэ 33 яшлек кыз бар тоже куркам.
    Кызлардан куркам
Реклама
Уфада матурлык һәм уңганлык конкурсы узды
«Балалы Солянка» балалар музыкаль премиясе
«Татар гаиләсе / килен-кайнана» бәйгесе җиңүчеләрен котлау тантанасы
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек