Кәрим Тинчурин исемендәге Татар дәүләт драма һәм комедия театры үзенең «Яңа сулыш» дип аталган сезонында соңгы куелышын тамашачыга тәкъдим итте. «Отелло» – бу сезонда чыккан тугызынчы һәм, әйтергә кирәк, иң көчле премьера булды. Классик шедеврга яңа сулыш өртелгән, яңа мәгънәләр, яңа акцентлар куелган. Тамашачыга ул «мәхәббәт һәм тугрылык турында спектакль» буларак тәкъдим ителә. Әмма аңа салынган мәгънәләр, ай-һай, катлаулы. Катлы-катлы, тагын-тагын барып карыйсы килә торган спектакль ул.
