Шулай буламы, кайчак янәшәдәге кеше һавага агу җибәреп тора кебек. Елмая, сөйләшә ул, әмма аның белән аралашканнан соң күңелдә авырлык, борчылу, гаеп хисе, хәтта ярсу кала. Бу – кешеләрнең эмоциональ хәленә начар тәэсир итә торган кешеләр. Ул бәлки үзенең шундый булуын аңламыйдыр да, сездән энергия алам дип тә уйламыйдыр. Ләкин һәрвакыт талчыктыра, эчтән көчегезне ала. Ул сезнең дошман да түгел. Ул хезмәттәш, күрше, таныш, хәтта якын туган булырга мөмкин. Эмоциональ «социаль вампирлар» энергияне, уй-фикерләрегезне тартып ала. Шуңа алар белән аралашканда эчке тынычлыкны сакларга өйрәнү мөһим.
