– Сез ирләре залим булган хатын-кызлар турында еш язасыз, дөньяда ирләрен җәберләгән хатыннар да бар бит. Узган елның май аенда чыккан «Нарцисс корбаны» дип аталган язмагызны укыгач (язма хатынын вәхшиләрчә үтергән Казакъстанның элеккеге министры Куандык Бишимбаев турында – Ч. Г.), үз башыбыздан кичкәннәрне сөйләргә булдым, – диде редакциягә килгән апа күз яшьлә-рен тыя алмыйча. Елау да түгел иде ул, ярсу иде. – Сез инде улыбызга ярдәм итә алмассыз, гыйбрәт булсын, башка ирләр бу бәлагә тарымасын өчен сөйлим. Ирләрегезне саклагыз.
