1960 елда композитор Заһид Хәбибуллин һәм балет труппасы артисты Г. Сәлимов либреттосына «Раушан» дип аталган балет куела. Ул халык һәм Тукай әкиятләренә, шигырьләренә нигезләнгән балалар өчен беренче татар балеты була! Композитор 1974 елда балетның икенче редакциясен булдыра, исемен дә үзгәртә – «Сихерләнгән малай». Күрәсең, ул заман сәясәте миллилекне ассызыкламауны таләп итә: геройлар да, костюмнар да үзгәртелә... Ярты гасырдан соң әлеге балет кабат сәхнәдә.
