«Әйдә, манчы инде хәзер»!Ватсаптагы статусыма җавап итеп шундый хат-хәбәр килеп төште. Татарстанның атказанган артисты Чулпан Йосыпованың концертыннан төшереп куелган матур видеога җавап иде ул. Танышым белән «манчу» сүзенең нинди мәгънәгә ия сүз икәнен аңлаштык анысы. Ләкин халык алдына үзенең моңлы җырларын башкарырга чыккан җырчыларның «шәхси» тормышындагы хәлләрен тикшерү, гайбәт җыю максатыннан йөрмим концертларга. Җырчы ошый, җырлары күңелемә хуш килә икән, рәхәтләнеп кушылып җырлап, алкышлап, ял итеп кайтам. Ошамый икән, карамыйм, тыңламыйм гына...
