Балаларыбызны үзебездән дә яхшырак белүчеләр юк дип яшибез. Әмма психологлар моның киресен сөйли. Янәсе, алар сезгә ачылып бетми, ә менә белгечләр бала күңелен ача ала. Мәктәп-балалар бакчасында дистәләгән бала белән аерым сөйләшеп утыру өчен әллә никадәр психолог кирәк булыр иде, ә ул, гадәттә, штатта берәү генә була. Аның шуның кадәр бала белән аерым-аерым утырырга вакыты да юк, билгеле. Ә менә бөтенесен бергә җыеп, психологик тест уздыра. Менә шул тестлар аркасында кайчак бала һәм әти-әнигә карата сораулар туа. Шундый бер хәлгә танышым да тарыды.
