Тормыш төрле ваклыклардан тора. Күп очракта без ул вак-төяккә әллә ни игътибар да итеп тормыйбыз. Кемдер тупас сүз әйттеме? Түбәнсетеп карадымы? Карамаса тагын, аңа игътибар итеп торырга? Конфет белән сыйладылармы? Һи, нәрсә инде ул?! Ә бит шушы вак-төякләрнең тәэсире безгә шулкадәр зур. Бер тамчы, диләр бит. Кайчагында әнә шул бер тамчы хәлебезне йә җиңеләйтә, йә авырайта.
