Булмас, дип, ышанмыйча тыңлыйсың, әмма менә ул каршыңда – бәхетле хатын һәм ана! Әни булу теләгенең һәм гаилә терәгенең көче метастазлар киткән дүртенче стадиядәге яман шеш диагнозы куелуга карамастан, табибларга уникаль операция ясарга, ике гомерне саклап калырга ярдәм итә. Әлеге очрак быел «Ел табибы – Ак чәчәкләр» республика бәйгесенә номинацияләнә. Татарстанда беренче тапкыр шундый операция ясарга алынган табибларның тәвәккәллегенә сокланмый мөмкин түгел. Ә бәхетле ананың ул чактагы хис-кичерешләрен, батырлыгын күз яшьләрсез тыңлап булмый. Бу язма гаиләгә һәм табибларга мәдхия булсын...
