«Татар җыры–2024» фестивале быел да бик саллы үтте. Матур костюмнар, дәртле биюләр, алып баручыларның төртмә телле юморлары тамашачыларның күңеленә бик хуш килде. Быел җырчылар дресс-код таләпләрен үтәгән булса кирәк: күпләре ак төстәге тукымалардан тегелгән костюмнар киеп чыкты. Башка елларгыча эшләпәләр, бала итәкле күлмәкләр, киң балаклы чалбарларны күрмәдем.
