Күптән түгел ковидтан туганнарыбызның кызлары үлде. Яшь иде әле, кияүгә дә чыкмаган кызны 32 яшендә соңгы юлга озаттылар. Кисәк кенә булган бу хәбәр әти-әнисен генә түгел, барыбызны да нык тетрәндерде. Яхшы гына укыды, дәрәҗәле эштә эшли иде туганыбыз. Кечкенә чакта еш аралашсак та, үскәч юллар аерылды. Туганнар чатында гына язышып аралаша идек, туган көннәр белән котлаштык, хәлләр белештек. Шуннан ары китмәде.
