Баллы массаж тирене сәламәтләндерә: тукландыра, дымландыра, пилинг та ясый. Аннан соң бит бала тиресе кебек – бәрхет сыман була. «Моңа өстәп, бал лифтинг-эффект та бирә. Составында булган микроэлементлардан бит тиресе яшәреп китә, җыерчыклар тигезләнә», – ди массажист Ләйсән САБИТОВА. Кул астында булган «алтын» белән битегезгә массаж ясап, үзегезне Клеопатра кебек хис итегез әле.
