Пародияләр остасы, җырчы Данир Сабировның концертларында булган тамашачы аның рус фильмнарын, мульфильмнарны татар җырчылары тавышы белән тавышландырган видеоларын күргәне бардыр. Соңгы вакытта әлеге видеолар социаль челтәрләр, ватсап аша да тарала башлады. Аларда фильм, мультфильм геройлары Салават Фәтхетдинов, аның хатыны Ләйсән, балалары, Айдар Галимов, Хәмдүнә Тимергалиева тавышлары белән сөйләшә.
