Икенче ел рәттән узачак ТМTV премиясендә артистлар 40 номинациядә бүләкләнәчәк

Чарада "Татар радиосы" радиостанцияләр челтәре җитәкчесе Динә Гәрәева, TMTV телеканалының баш режиссеры Лилия Кадыйрова, Татарстанның халык артисты Зәйнәб Фәрхетдинова, Татарстанның атказанган артисты Филүс Каһиров, популяр җырчылар Иркә, Элвин Грей, Айрат Ильясов катнашты.

Искәртеп үтик, "Пирамида" концертлар залында TMTV телеканалы премияләрен тапшыру тантанасы 15 апрельдә узачак.

"TMTV премиясе белән "Татар җыры" - иң мөһим һәм масштаблы чаралар. Ләкин аларны чагыштырырга кирәкми, чөнки һәркайсының үз йөзе, үз форматы. Без халыкка төрлесен тәкъдим итәргэ тырышабыз. TMTV премиясендә дә төрле жанрдагы җырларны ишетеп булачак. Тамашада Флера Сөләйманова, Салават Фәтхетдинов һәм башка жырчылар ретро җырлар башкарачак", - диде Динә Гәрәева.

Ул чараның бюджеты сер булып калсын, дип белдерде. "Татар җыры" белән чагыштырганда кимрәк", - диде Динә Гәрәева.  

"ТМTV премиясендә телеканалның гимны белән клибы тәкъдим ителәчәк. Чыгышлар бер-берсеннән тематикасы белән аерылып торачак. Көчле эффектлы 3D бизәлешне күреп булачак, XIX гасырга да "кайтып" булачак", - диде Лилия Кадыйрова.

чыганак: http://tatar-inform.tatar
-----------------------------------------------------------------


Ел саен уздырыла торган Татар музыкаль телевизион премияләр тапшыру тантанасы быел 15 апрельдә Казанда “Пирамида” сәхнәсендә узачак. 
 
Бүген “Корстон”да узган матбугат конференциясендә тамашачыларны ни көтүе хакында "Татар радиосы" радиостанцияләр челтәре җитәкчесе Динә Гәрәева, TMTV телеканалының баш режиссеры Лилия Кадыйрова, Татарстанның халык артисты Зәйнәб Фәрхетдинова, Татарстанның атказанган артисты Филүс Каһиров, популяр җырчылар Иркә, Элвин Грей, Айрат Ильясов сөйләде.
 
Иң беренчесе – чара серләрдән генә торачак. "Татар радиосы" радиостанцияләр челтәре җитәкчесе Динә Гәрәева тантананың бюджеты сер булып калсын диде. Әмма төгәллек яратучыларга ачыклык кертте: “Татар җыры” фестивале белән чагыштырганда кимрәк”.
 
Зәйнәб Фәрхетдинова күлмәгенең бәясен әйтергә теләмәде. “Сәхнә – ул подиум түгел. Анда кием күрсәтергә чыкмыйбыз бит”, – диде ул. Ул “Зәңгәр кыңгыраулар” җыры белән халык мәхәббәте номинациясендә катнашачак.
 
Иркә исә быелгы премиядә катнашып кына калмый. Ул аның алып баручысы да. Шуңа күрә ул ике күлмәк әзерләп куйган. Ул да киемнәренең бәясен әйтергә теләмеде – күлмәк бәясе сер икән...
 
"Узган ел Фирдүс Тямаев белән алып барсак, быел Рифат Зарипов белән эшләячәкбез. Премиядә “Сыналган мәхәббәт” җыры белән катнашам”, – диде Иркә.
 
Алып баручылар дигәннән, быелгы премияне Булат Бәйрәм һәм Айрат Ильясов, Иркә һәм Рифат Зарипов, Айваз Садыйров һәм Назлыгөл алып барачак.
 
“Тамашада Флера Сөләйманова, Салават Фәтхетдинов һәм башка жырчылар ретро җырлар башкарачак", – диде Динә Гәрәева.
 
"ТМTV премиясендә телеканалның гимны белән клибы тәкъдим ителәчәк. Чыгышлар бер-берсеннән тематикасы белән аерылып торачак. Көчле эффектлы 3D-бизәлешне күреп булачак, XIX гасырга да "кайтып" булачак", – диде Лилия Кадыйрова.
 
Узган елны тамаша башланыр алдыннан йолдызлар, мөхтәрәм кунаклар кызыл келәмнән атлап узган иде. Быел да әлеге традиция сакланып калачак. Кызыл келәмгә килгән тамашачыларның кумирлары белән “сэлфи” ясау мөмкинлеге дә каралган.

чыганак: http://intertat.ru/tt