Кара эчле кешедән ничек сакланырга? 

 

 

Кайсыбер кеше белән аралашканнан соң, үзеңне суы сыгылган лимон кебек хис итәсең. Югыйсә ачуланышмадыгыз да, бер-берегезгә начар сүзләр дә әйтмәдегез, әмма күңелдә әллә ниткән юшкын утырып калгандай була. Һәм, иң мөһиме, ниндидер бер хәлсезлек барлыкка килә. Димәк, әле генә аралашкан кешегезнең энергетикасы начар, ул сезнең көчегезне суырган. 

 

Тискәре энергетикалы кешеләр башкаларның кәефен махсус рәвештә кырмый, билгеле. Һәрхәлдә, һәрвакыт түгел... Начар энергетика белән яшәү аларның үзләренә дә рәхәт түгел. Чөнки негатив уйларның яхшы тормыштан барлыкка килмәве – факт. Тирәнрәк «казысаң», андыйларның күңел төпкелендә әллә нинди проблемаларга юлыгасың. Монда – бәхетсез балачак та, әти-әниләр белән аңлашмау, хыялларның чынга ашмавы, җимерелгән өметләр, тапталган хисләр... Әмма бу проблемаларны ачыклау сезнең бурыч түгел. Сезнең бурыч –  кара эчле кешенең негатив энергетикасыннан саклану. 

 

Эмоцияләрне экономияләү 

 

Ул беренче карашка гына хисләрнең ресурсы чиксез кебек. Чынлыкта исә, кара энергетикалы кеше сезне губка урынына сыкканнан соң, газиз балагыз белән сөйләшерлек тә хәлегез калмаска мөмкин. Ирегезнең эштәге проблемалары турында авыз ачып бер сүз әйтүе сезне чыгырдан чыгарачак: «Җитте! Тукта! Син дә генә булды проблемалар!» – дип кычкырыуыгызны үзегез дә сизми калырга мөмкинсез. 

Руха көчегезне чынлап та үзегез өчен иң кадерле кешеләрегезгә дип саклагыз. «Авыр» кешеләр белән аралашканнан соң хисләрегез саекмасын дисәгез, берничә күнегүне үзегезгә гадәт итеп алыгыз. 

Әйтик, кухняда чәй эчеп утырганда кайнанагыз нәрсәдәндер зарлана башлады, ди. Ул үзенекен сөйли торсын, ә сез, торыгыз да, берәр эш белән мәшгуль булыгыз. Савыт-сабаларны юарга була, шкафларны сөртергә, бәрәңге әрчи башларга... Әлеге күнегүнең принцибы – төп игътибарны әңгәмәдәшнең зарлануына түгел, ә башка эшкә юнәлтү. 

 

Киртәләр кую 

 

Әңгәмәдәшнең негатив эмоцияләреннән саклануның күп төрле психологик алымнары бар. Әйтик, күңелдән генә ике арага күренмәс стена корырга була, үзегезне «пыяла банка» белән «каплап куя» аласыз. «Театр» техникасын кулланып карарга була. Күңелегездән генә бу әңгәмәне ике актерның роль уйнавы дип кузаллагыз. 

Әгәр дә әңгәмәдәш сезне ачыктан-ачык ачулана, кимсетә, хурлый икән, аның сүзләрен үз тарафыгызга атылган ук дип күзаллап, кулыгыздагы «калын, нык калкан» белән сакланыгыз. «Уклар» «калкан» аша үтәргә тиеш түгел. 

 

Бәхәсләшмәгез 

 

Бәхәстә хакыйкать туа, дигән кеше, мөгаен, начар энергетикалы кара эчле кеше белән бәхәскә кермәгәндер ул. Конфликт, әрләшү, бәхәсләшү – мондыйлар өчен башкалар хисабына энергия тулыландыру чарасы бит ул. Ун минут әрләшкәннән соң, аларның, әйтерсең, иңнәренә канатлар үсеп чыга, битләре алсулана, күзләре балкый. Син, башың тонып, ятып каласың, ә ул, канатланып, эшкә тотына. 

Саклану чарасы бер генә – мондый кеше белән берничек тә бәхәскә кермәү. Андыйлар хакыйкатьне табар өчен бәхәс башламый, ә үзләренең эчке киеренкелегеннән котылу өчен бәхәсләшә. Теләсә кайсы бәхәстә иң көчле аргумент китергән кеше түгел, ә иң нык кычкырган кеше җиңүче санала алар өчен. Алар, юри, тавышларын күтәрә, куллары белән ярсулы хәрәкәтләр ясый. Җавап итеп, сез дә ярсыйсыз, үзегезнекен исбатламакчы буласыз. Тегеләргә исә шул гына кирәк тә. Кеше ярсыган вакытта аның энергетик кырында ертык урыннар барлыкка килә, шул ертык урыннан энергия читкә агып чыга. 

 

Анализлагыз 

 

Логикагызны һәм анализлау сәләтегезне эшкә җиксәгез, эмоцияләрегез белән идарә итү күпкә җиңелрәк булачак. Әңгәмәдәшегезне бар яктан анализларга тырышыгыз, аның әйткән сүзләренә сездә нинди хисләр кабына. Әйләнә-тирәгездән кемнәрне «агулы» кешеләр рәтенә кертәсез. Алар белән аралашуны чикләп буламы. Алар белән аралашу кайчан аеруча кыен. Мондый хәлне булдырмый калырга мөмкинме. Әлеге сорауларга җавап биреп, үзегез өчен көтелмәгән нәтиҗәләр ясарга мөмкинсез. Мәсәлән, шеф белән сөйләшү сезнең өчен бүлмәдә башкалар барында җиңелрәк икән, мөһим мәсьәләләрне башка хезмәткәрләр белән җыелышкан вакытта чишәргә тырышыгыз. Урамда сезгә аһ-зарларын түгеп, берәр сәгать вакытыгызны урларга көтеп торучы күрше хатынын күрсәгез, юри, үтә дә ашыккан кыяфәт чыгарып, исәнләшеп кенә үтеп китегез, адымыгызны аз гына акрынайтсагыз да, аның кармагына кабачаксыз. Телефоннан шалтыратып, озаклап үзләренең негативларын түгүчеләр белән дә шулай итәргә кирәк: телефонын алыгыз да, ул икәнен белүгә, тавышыгызга ашыгычлык чыгарып: озаклап сөйләшә алмыйм, чыгып китәсем бар, нәрсә иде, тиз генә әйт... диегез. Ул зарлана башлаганчы бу сүзләрне әйтеп өлгерү мөһим. 

Бөтен кешенең негатив хисләрен үзегезгә сеңдерергә, сез бит идән чүпрәге түгел – менә шуны исегездән чыгармагыз. 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (1)
Cимвол калды:
  • 20 декабрь 2022 - 16:41
    Без имени
    Гомуман урамнан кергачта, 7 тапкыр битне юарга кирак ,дип саныйм.
Хәзер укыйлар
  • Син генә кирәк Гади ситса күлмәкле кызның ишек төбендә арзанлы гына туфлиләрен салуын күреп, йөзен чытты булачак кайнана. «Авыл гыйбады!» – башына килгән беренче уе шул булды. Алай да улы хакына күңелдәгесен сиздермәде. Әле өйләнеп, түргә алып кайтып утыртмаган, йөреп туяр да, ташлар...
    3345
    1
    39
  • «Бу сезнең кызыгыз...» Бала таба алмаячагы хакында Кәдрия Азатка туйга кадәр үк әйтте. Егет  булачак хатынына шуның кадәр гашыйк иде, кул гына селтәде.  – Аптырама, – дип кочаклап алды ул сөеклесен. – Елак балаларсыз икебезгә генә бик рәхәт булачак. Бик теләсәк, табиблар могҗиза ясамый калмас. Аннан соң гаилә баласыз  да була ала бит.
    3451
    0
    31
  • Авыл малае Бәкер шифаханәсенә юллама бирделәр Нәфисәгә. Эш урыныннан. Аны, инде унбиш елга якын шул бер урында эшләүче сазаган кызны, кемдер исенә төшерер, «аңа да ял кирәк, аңа бирик...» дип искәртер дип башына да китермәгән иде. Иң кирәк җирдә иң кирәкле сүзне кем кемгә әйткәнен төпченеп тормыйча гына юлга кузгалды ул
    3129
    1
    29
  • Өч монолог Нурания конвертны ачты, Илдарына хатны тиз генә укып бирергә иде исәбе, тик әллә кайдан ниндидер кайнар агым, кинәт тынын буып, бөтен күкрәген умырып тотты...
    5893
    2
    28
  • Бала – 50 яшеңдә бала җитәкләп йөрерсеңме? Мин әйткән хәбәрдән соң бар якыннарым чигә тирәсендә бармагын уйнатты. Имеш, башың киттеме әллә?! 
    4549
    3
    25
Реклама
Соңгы комментарийлар
  • 1 июнь 2023 - 11:43
    Без имени
    Ния бестолковый килен булсын, анлавымча килен белэн кайнана Алама яшэмэгэн.
    Әйтелми калган рәхмәт
  • 1 июнь 2023 - 11:18
    Без имени
    Сабабызнын горурлыгы, йозек кашы ул Голсинэ ханым♥️ Исэн-сау булсын, йоргэн юллары ун булсын🙏
    Китап акылны тәрбияли
  • 31 май 2023 - 15:07
    Без имени
    Точно шундый эчтэлекле кино караган идем,исемен хэтерлэмим,бер нэрсэ дэ узгэрмэгэн.
    Бәхетле очрак-3
  • 23 май 2023 - 17:50
    Без имени
    Нэкъ минем килен!
    «Мәхәббәт» корбаннары
  • 22 май 2023 - 10:24
    Без имени
    Первый раз попробовала такое блюдо у подруги, она татарочка. Правда, она мешала гороховую муку пополам с пшеничной.Так понравилось, что теперь сама его готовлю. Проблема только в том, что гороховую муку не везде продают. Но я ее теперь в интернет- магазине заказываю.
    Суп с чумаром из гороховой муки (клецки по-татарски)
Реклама
Уфада матурлык һәм уңганлык конкурсы узды
«Балалы Солянка» балалар музыкаль премиясе
«Татар гаиләсе / килен-кайнана» бәйгесе җиңүчеләрен котлау тантанасы
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек