Яңгыр суы – табигать бүләге

Яңгыр суының файдасы нидә?

Элек-электән авыл кешесе яңгыр суының кадерен белгән. Өй түбәләреннән аккан тамчыларны мичкәгә, зур савытларга җыеп куйганнар. Бүген дә бу гадәт яңадан популярлаша бара. Белгечләр әйтүенчә, яңгыр суы – табигый һәм файдалы ресурс.

Беренчедән, яңгыр суы бакча өчен бик кулай санала. Аның составында каты тозлар азрак булганлыктан, үсемлекләр аны җиңелрәк «кабул итә». Шуңа күрә күпләр помидор, кыяр, чәчәкләргә нәкъ менә яңгыр суы сибәргә тырыша. Аеруча эссе җәйләрдә бу зур ярдәм. Яңгыр суы бакча өчен менә дигән «сый» санала. Кран суы белән генә үскән кыяр кайчак кәефсез бала кебек борынын җыерса, яңгыр суын эчкән помидорлар, киресенчә, рәхәтләнеп күтәрелеп китә, диләр бакчачылар. Чөнки яңгыр суында артык каты тозлар азрак була, үсемлекләр аны табигыйрак кабул итә. Шуңа күрә авыл апаларының: «Помидорга яңгыр суы сипсәң, уңышы да рәхмәт әйтә», – дип шаяртуы юкка түгел. Аеруча эссе җәй көннәрендә мондый су бакча өчен чын коткаручыга әйләнә.

Хуҗалыкларда суны экономияләү мәсьәләсе дә мөһим. Бүген коммуналь хезмәтләргә бәяләр арта, ә чиста су запасы елдан-ел кими. Яңгыр суын хуҗалыкта куллану гаилә бюджетын сакларга ярдәм итә. Мәсәлән, аны бакчага сибү, ишегалды юу, хәтта кайбер техник эшләр өчен дә файдаланырга мөмкин. 

Бакчага да, чәчкә дә файда

Чәч һәм тире өчен дә яңгыр суының файдасын әйтүчеләр бар. Элек әбиләребез чәчне яңгыр суы белән чайкаган. «Чәч йомшак була, ялтырый», – дип искә ала өлкәннәр. Яңгыр ява башласа, табигатьнең «буш шампуне» килгән кебек сөенә торган булганнар. Чәчне яңгыр суы белән чайкагач, «ефәк кебек йомшак булды», дип мактанганнар. Хәзерге тел белән әйтсәң, бернинди кыйммәтле кондиционерсыз да «табигый SPA» килеп чыккан инде!

Әлбәттә, бүген экология мәсьәләсе катлаулырак, шуңа күрә шәһәр шартларында җыелган суны сак кулланырга киңәш итәләр. Әмма бүген һава элеккеге кебек чиста түгел. Шуңа күрә түбәдән аккан һәр тамчыны «матурлык эликсиры» дип кулланырга ашыкмагыз.

Тамчыдан файда: ни өчен яңгыр суын җыялар

Яңгыр суын дөрес итеп җыю да әһәмиятле. Савытлар чиста булырга тиеш, өстен каплап кую хәерле. Белгечләр тагын бер хәйлә әйтә: яңгырның беренче агымын җыймаска кирәк. Чөнки түбәдә айлар буе яткан тузан-пычрак иң элек шул су белән «сәяхәткә чыга». Кыскасы, яңгыр суы файдалы, тик аны да акыл белән «тотарга» өйрәнегез.

Табигать биргән байлыкны әрәм итмәү – һәркемнең үзеннән тора. Бәлки, яңгыр тамчыларына яңача карарга вакыт җиткәндер?