Эчке киемне ничек киюегез кем булуыгыз хакында сөйли

 Тән теле турындагы китаплар авторы психолог Патти Вуд кешеләрне шартлы рәвештә дүрт шәхескә бүлеп була дип саный: лидер, киңәшче, ияреп баручы һәм сак корректор (калган өч шәхесне җайлап кына төзәтеп торучы). Аның фикеренчә, хатын-кызның нинди шәхес булуы турында иртән аның  бюстгальтерын ничек эләктерүе дә сөйләп бирә ала. Сынап карыйсызмы? 

Бюстгалтерны арттан эләктерәсез  

Сез традицияләр яклы. Кагыйдә буларак, кечкенә чакта нәрсәгә өйрәтсәләр, шуны истә тотып, калыплардан чыкмый гына яшисез. Кешеләр белән җиңел аралашасыз, дусларыгыз күп. Тик игътибар үзәгендә булырга тырышмыйсыз.  

 Бюстгальтерны алдан эләктерәсез дә әйләндереп киясез  

Үзегезне, комфорт, башкаларның сезгә соклануларын яратасыз. Бюстгальтерны эләктерү кебек кечкенә уңайсызлыкларга игътибар да итмисез. Эчке киемегез сезнең матурлыкны ассызыклау өчен булдырылган, яшәүгә комачаулау өчен түгел. Башкалар белән идарә итәргә әзер түгелсез. Гомумән, андый уегыз да, максатыгыз да юк. Алар бит болай да сезгә соклана, тагын ни кирәк?! 

Алдан эләктерелә торган бюстгальтерларга өстенлек бирәсез  

Сез – традицияләрне үзгәртүче, үз фикере булган,  башкаларга яңа юллар күрсәтергә әзер булган шәхес. Хәтта менә бюстгальтер сайлаганда да. Һичшиксез, сез – киңәшче! 

Эләктерелгән бюстгальтерны майка кигән кебек киясез  

Сез – сак корректор. Бар нәрсәне төзәтеп, кешеләр арасындагы мөнәсәбәтләрне җайлап кына йөрисез. Сезнең өчен бар җирдә дә гармония булу шарт.